Lè w ap tande albòm Tifane yo, youn nan bèl vwa w ap tande ki ap fè kè nan mizik yo, se vwa l.

Marodie Ludmilla Pierre, se yon chantez, yon sè, yon matant, yon pwofesyonèl nan domèn administrasyon, yon bèlnègès ki prè pou l pataje lanmou.

Sa fè plis pase twa (3) lane depi l chwazi viv e pran swen bèl ti cheve natirèl li yo. Gwo evènman, gwo konsè pa janm fè l pè reprezante moun li ye a, ak tout sa l posede.

Devan

Pasyon l se mizik, ak tout sa ki gen rapò ak lakilti…

Byen enstale w kounya a, pou ou koute l k ap rakonte w sa l fè,  pou l pran swen sa ki pou li…

Poukisa ou te pran desizyon pou w aksepte viv ak bèl ti cheve natirèl ou yo?

Paske m te bouke ak pèmanant ki dapre mwen pat sèvi anyen.

Kòman moun ki nan antouraj pwòch ou (Fanmi w, Kòlèg, kondisip lekòl ) ou te wè desizyon sa ?

Genyen ki renmen l’, gen lòt ki pa renmen l’.

First day of new haircut

Ki rejim ou swiv pou kenbe cheve w an sante ?

Mwen manje plis manje natirèl tankou lwil doliv, tout sa ki gen ble, m pa konsome anpil sèl, ni magi, m balanse sa map manje epi mwen sitou bwè omwen 6 a 8 vè dlo pa jou.  Mwen konsome plis lokal epi fè anpil spò.

1 an 5 mwa

 Dekri nou etap pa etap kisa w fè lè w ap lave cheve w ?

Lè map lave cheve m’, mwen asire m’ ke yo toujou omwen  benyen ak lwil oswa yon konpoze natirèl ke mwen prepare mwen menm, swa ak myèl epi lwil doliv, osinon mayonèz, etc…  (men mwen pa kite yo sèk) nan lavèy oubyen anvan mwen lave yo.  Epi mwen mete chanpou anvan apresa rens.  Kèk fwa, mwen konn mete ajil.

2 zan 9 mwa

Ki meyè kout peny ou renmen pran ? Poukisa ?

Kout peny mwen pi renmen se afwo a, li fè m santi m lib.

2 teknik/pwodui ki mache pou cheve w ? 2 teknik/pwodui ki pa mache pou cheve w ?

2 teknik ki mache se lwil palmakristi avèk bè karite

2 teknik ki pa mache pou mwen se lwil kokoye kif è yo sèk epi vaporize dlo ak lwil pa ede yo kouche, okontrè yo deplimen yon moman le m penyen chou.

3 pwodui/zouti ou pa ka viv san yo ki bon pou cheve w ?

Pou mwen se de (2). Sèl  pwodwi m paka viv san yo se lwil palmakristi ak bè karite.

2 zan 2 mwa

Ki meyè leson ou aprann lè w te pran desizyon pou retounen viv e aksepte pote bèl ti cheve natirèl ou yo?

Mwen aprann renmen tèt mwen jan mwen ye.

Kòmantè pa w sou desizyon plis medam k ap retounen viv e aksepte bèl ti cheve grenn yo an Ayiti ?

Pou mwen se trè byen, men avan tou mwen rete kwè ke yon moun fè sa li vle ak tèt li, kò l’.  Se yon mòd de vi ke moun nan dwe chwazi li menm. Alò mwen pa menm bay sa enpotans ke yon moun fè l’ ke l’ paf è l’.  Se chwa pa l’.   Se pou sa pou mwen se pa yon mouvman, ni yon politik, ni yon kontrent.  Se jis yon chwa ke on moun fè, men sa pa anpeche tou si yon jou li pa santi l’ byen nan po l’ eke li vle chanje lide, pou l’ pa fè yon lòt wout.  Paske anvan tout bagay, nou tout vle byen nan po nou.

Kisa ki fè w se yon #Belneges (Bote Anndan kou Deyò)

Sèl pa janm vante tèt li di l’ sale (lol) men sèl sa m’ ka di, mwen aksepte tèt mwen jan mwen ye (deyò kou anndan) e m’ pa gen okenn konplèks pa rapò a moun mwen ye a.  Mwen aprann rekonèt feblès mwen ak kalite m’ e mwen ap fè efò pou m’ pouswiv rèv mwen e mennen yon vi ki senp.

Sèl pa janm vante tèt la di l sale, men tout moun konnen enpòtans sèl la. Mèsi Marodie, dèske w raple tout lòt bèlnègès yo, bote a se anndan pou l sòti pou l ka reflete sou figi…

Sou kote (1)

Ou vle patisipe nan ribrik OU SE YON BELNEGES la? Kounya ou ka fè sa:

1)  Gade a dwat paj la —–> Klike sou (Pataje istwa bèl ti cheve w yo ak nou kounya).
2) Lè w fin telechaje dokiman an, ouvri l
3) Reponn kesyon yo e voye l nan adrès ki nan tèt dokiman an (Pa bliye voye foto w)
4) Epi, sa w tande a, ou gen yon atik poukont ou sou belneges.com

Comments

comments