Swen Po

M FOU POU YO!!!

Si jodi a, m ta mande w ki senk pwodui bote ou pa ka viv san yo, kisa w t ap reponn mwen?

Wi, ou te mèt reflechi toujou. Men kou yon moun ta poze m kesyon sa a, m gen kèk non ak kèk fòm pwodui ki otomatik monte nan tèt mwen. M pa konn pou ou, men gen kèk pwodui m ap itilize chak jou , m tèlman renmen yo, m damou yo fou. Kit se pwodui pou cheve, pwodui pou po, makiyaj, oswa pwodui pou zong elatriye, m gen youn m konnen se prefere m e se li ki fè m byen.

A tèl pwen genyen nan pwodui sa yo, mwen achte de (2) ladan yo, paske mwen pa vle lè yo fini pou m pa ta ko gen kòb pou m reyachte yo, oubyen pou m pa ta ka jwenn yo ankò sou mache a.

botee

M konnen w ap di m adikte, men li tèlman difisil pou w jwenn yon pwodui kò w renmen e abitye avè l, ak gwosè mache pwodui kosmetik ki gen kounya a, lè w resi jwenn yon pwodui ki fè w byen, e ki reponn ak nivo ekonomik ou, ou tou foure l anba zèl ou.

Kite m pataje ak ou senk (5) pwodui bote, m renmen anpil e ki disponib sou mache a… Kontinye li

PA KOUCHE AVE L TANDE!!!

Tifi, w ap makiye? Figi w ap di wi…

Kiyès ki pa toujou ap tande manti sa a. Swa yo di w, se makiye pou w pa janm makiye oubyen yo di w pa met twòp makiyaj paske makiyaj ap gate figi w. Fòk moun sa ta di m nan ki lekòl li te pase, yo te montre l sa? Oubyen ki pwofesyonèl ki te mete l chita ki te plen tèt li ak manti sa a? Paske makiyaj se yon akseswa menm jan ak tout lòt akseswa, depi w finn jwenn sa ki bon pou ou a, ou ka itilize l chak jou Bondye mete.

1

Men lafimen pa monte san dife, poukisa moun kontinye ap repete pawòl sa a jouk jounen jodi a???

Repons lan senp. Pi fò moun k ap repete pawòl sa a, pa konn anyen de makiyaj oubyen manke enfòmasyon sou sa ki rele makiyaj la. Se tèlman yon gwo dosye, nan peyi ki plis òganize yo, moun pase kat (4) lane ap etidye l pou vin yon pwofesyonèl nan domèn nan. Sa vle di, makiye pa yon jwèt. Gen anpil milyon k ap envesti nan rechèch ak kreye nouvo pwodui chak ane nan domèn sa a sou latè (Sous esteelauder.com).

Kite m tou di w sa kounya a, se pa makiyaj ki ka fè figi yon moun di men se pito lè l pa retire makiyaj la (demakiye) nan figi l avan l al dòmi. Menm jan w ap mete makiyaj nan figi w pou fè w pi bèl la enpòtan pou ou, se konsa retire makiyaj la enpòtan e ap ede w rete bèl. E jodi a, se sekrè sa a m pral pataje avè w.

Gade avè m kisa m fè pou m toujou demakiye e ede po m rete toujou bèl… Kontinye li

ANNDAN W POU L SOTI…

Ak ki krèm ou sèvi?/ Baz sa a ki fè zong ou pouse konsa ? Ki kote m ap jwenn li achte isit?/ Sa w met nan cheve w ki fè yo ret konsa?

Pandan nèf dènye mwa ki sot pase la yo, san manti, se kesyon sa yo moun plis poze m. Pi souvan, mwen santi m trè mal alèz pou m di moun nan men ak kisa m sèvi, paske m konnen se manti, se pa sèl pwodui kosmetik ki bay tout rezilta li wè yo.

image (1)

E, pou m ta kanpe pou m ta esplike l, se sa mwen manje ak sa mwen bwè ki bay rezilta li wè yo, non sèlman m pa tap gen tan pou m ta ba l tout detay yo; Men tou, t ap gen plis chans pou sa pa itil li anyen paske se pwodui yo li bezwen. Li pa bezwen konnen si bèl zong, bèl cheve ak bèl po li wè yo, se yon fason tout moun ka viv ki bay li.

Kite m peze sou “TOUT MOUN” nan. Tout moun ka viv nan yon fason pou pran swen tèt li e bèl chak jou. De bagay daprè mwen ki pi enpòtan pou rive fè sa, se: 1) Gen bon jan enfòmasyon nan men w 2) Mete enfòmasyon sa yo an pratik nan lavi w chak jou.

Nou tout dakò, bote a se anndan w pou l sòti pou l ka reflete sou figi w. Se pou sa, lè w konnen kisa k ap bon pou kò w, pou cheve w, pou po w, pou zong ou elatriye (1) epi ou asire w ou konsome bagay sa yo nan yon peryòd byen detèmine (2), ou pa fouti pa bèl jan w te espere l la.

Kite m pataje ak ou, kisa m manje ak bwè dènye tan sa yo ki pa koute m tout yon fòtin e ki  bon rezilta yo ban mwen… Kontinye li

SE YON LOT FILING!!!

Ou fè eksperyans, retire ou raze plim nan pye w deja?

Si w poko fè sa, petèt ou poko santi ti filing sa a m pral dekri w la a.

Lè w fin raze plim nan pye w, se tankou sou yon twal swa w ap pase menw. Po w dous, po w swa, si w pa veye ou ka pase tout yon jounen ap pase menm w nan pye w. Chak moun, sitou medam yo gen plizyè rezon ki ka fè yo vle santi ti filing sa a, pa ekzanp, gen fi ki raze plim nan pye yo, paske yo renmen mete jip osinon bout pantalon, jis pou yo santi pye yo pi bèl, yo raze l.Gen de moun menm ki ale pi lwen pou di, raze plim nan pye  se tankou foubi bouch chak jou, se yon règ ijyèn.

Kit yon moun fè l pou bote kit yon lòt fè l pou ijyèn, gen yon jan pou w raze plim nan pye w, pou ka byen jwi ti filing sa a nou sot dekri pou ou a. Paske si w mal fè l, ou gen dwa fè tout yon jounen w ap rele anmwey…

legz

Kite m rakonte w kisa m fè pou m toujou pran bèl ti filing sa a… Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook