Bote DEYO

TONBE DAMOU L NON!!!

Sa gentan gen plis pase yon mwa, depi m te deside rekoupe cheve m kout kout. Pa sezi! Ou pa poukont ou! Gen moun jouk jounen jodi a, k ap tann mwen ba yo rezon ki fè mwen fè sa. Gen yon moun menm sou Facebook, ki te menm voye m al gade si se pa yon demon ki rantre sou mwen, ki fè m rekoupe cheve m wotè sa a ankò (M woule atè pou m ri).

TWA (1)

Rezon an senp: M pa gen okenn rezon. Pa gen okenn rezon ki fè m rekoupe cheve m. M jis anvi wè yo kout, mwen al nan yon stidyo, m di koupe tout (Pran yon ti te vèvenn, si w sezi ankò).

Paske depi 2 Novanm 2012, mwen aksepte mwen bèl ak cheve m jan m te fèt avè l la. Kidonk, pa gen anyen ki ka efase, ni fè m kwè yon lòt bagay ke renmen yo e pran swen yo. Se sa ki fè, mwen toujou santi m lib pou m fè sa m vle ak yo. Depi m konnen, se pa mal m ap fè yo e sa m ap fè yo a, ap fè m plezi.

Sa te pran m yon ti tan pou m wè jan anpil fi (nan plizyè kilti diferan) bay cheve long tout enpòtans sa a. Koupe cheve m, vin fè m konprann pi byen, lakay nou pa bò isit gen long cheve vle di, ou se simbi nan dlo, tèlman w bèl. E gen cheve kout souvan vle di, baka anba dlo osnon malerèz elatriye…

E poutan si w wè sa, ti imaj glas la voye ban mwen chak maten an, lè m ap gad ladann nan, demanti sa wi. Vini m pataje ak ou 3 bon avantaj cheve kout gen ladann… Kontinye li

FENK DAMOU!!!

Se pa premye fwa w ap tande m ap di w, jan pifò jèl yo di ki fèt spesyalman pou cheve natirèl sou mache a pa janm ale ak cheve m. Si yo pa plen cheve m ak pay blanch, yo fè cheve m sèk tankou kote idratasyon pa t janm pase.

ow

Mwen te tris paske mwen te wè sa prèske enposib pou m te jwenn yon pwodui ki plizoumwen natirèl ki ka ede cheve m kenbe koutpeny mwen konn pran yo epi ki pap mete cheve m nan eta sa a. Eben, depi lè m rankontre ak pwodui sa a yo rele “Flaxseed” la (pwononse l flaksid), se lajwa sèlman ki nan kè m, ni nan bèl ti cheve m yo.

Li pa vann chè ditou, li 100% natirèl, li gen anpil byenfè pou cheve w epi li fasil pou prepare. Ou menm ki renmen fè 2 dwèt, 3 dwèt osnon ou menm ki gen ti afwo menm jan ak mwen, yon ti kal jèl flaxseed ka kenbe yon koutpeny pou plis pase 2 jou.

Vini w al dekouvri tout byenfè pwodui sa a, ansanm ak mwen… Kontinye li

OU FENK FE YON GOL!!!

Sa prèske gen yon mwa depi m ap fè yon bèl ti eksperyans ak tèt mwen. Mwen deside pa makiye, prèske pa mete bijou, m pa mete kitèks e jan w konnen l deja, tèt mwen prèske pa gen cheve ladann (0.5cm), kidonk m pa menm gen cheve pou m penyen. Men chak jou, mwen asire m, mwen fè 45 minit spò. Mwen efòse m pou m manje anpil fwi ak legim epi mwen bwè anpil dlo.

belneges

Sa etone m pou m wè, jan anpil moun kontinye ap di m jan mwen bèl. Mwen sezi, paske avan sa mwen te kwè si cheve m kout fòk mwen gen anpil akseswa sou mwen pou m santi m bèl. M pa gen pwoblèm ak akseswa yo non, ni ak cheve kout la. Men m potko janm pwouve tèt mwen kalite lanmou sa a.

Mwen vin konprann, renmen tèt ou a pa sèlman nan pran swen cheve w, ni fè bèl makiyaj. Men se nan pran swen tout sa w genyen, tout pati nan kò w e menm san okenn makiyaj, ou ka rive santi w seksi, bèl e an sante nan je pa w.

Wi, w ap bezwen anpil kouraj pou sa. Men kèk teknik ki kapab ede w… Kontinye li

OU PA P BEZWEN ANPIL!!!

M konnen jan Rivkha Larco te aprann nou anpil teknik sou kòman nou ka byen makiye pandan konferans lan ki te fèt 4 Me ki sot pase la a. Sa trè enpòtan pou ou konn teknik sa yo, paske sa ka ede w fè mwens erè lè w ap makiye.

rivkha

Makiye chak jou ak makiye pou yon okazyon spesyal, se 2 bagay diferan. Poukisa? Repons lan senp, makiyaj w ap pran chak jou a, dwe parèt plis natirèl posib. Li dwe lejè, senp e trè byen fèt. Kote ou ka pase fondten, ou met konnsilè (Anti-cernes) ak poud pou w ale nan yon sware, li pa yon obligasyon pou chak jou, pou w itlize tout pwodui sa yo.

Men pou w fè sa, fòk ou konn ki teknik pou w itilize tou, pou w pa sòti ak tout mak dòmi yo nan figi w. Kite m pataje ak ou, kèk tenik byen senp mwen itilize ak bon rezilta sa ban mwen… Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook