Swen Cheve Natirèl

TONBE DAMOU L NON!!!

Sa gentan gen plis pase yon mwa, depi m te deside rekoupe cheve m kout kout. Pa sezi! Ou pa poukont ou! Gen moun jouk jounen jodi a, k ap tann mwen ba yo rezon ki fè mwen fè sa. Gen yon moun menm sou Facebook, ki te menm voye m al gade si se pa yon demon ki rantre sou mwen, ki fè m rekoupe cheve m wotè sa a ankò (M woule atè pou m ri).

TWA (1)

Rezon an senp: M pa gen okenn rezon. Pa gen okenn rezon ki fè m rekoupe cheve m. M jis anvi wè yo kout, mwen al nan yon stidyo, m di koupe tout (Pran yon ti te vèvenn, si w sezi ankò).

Paske depi 2 Novanm 2012, mwen aksepte mwen bèl ak cheve m jan m te fèt avè l la. Kidonk, pa gen anyen ki ka efase, ni fè m kwè yon lòt bagay ke renmen yo e pran swen yo. Se sa ki fè, mwen toujou santi m lib pou m fè sa m vle ak yo. Depi m konnen, se pa mal m ap fè yo e sa m ap fè yo a, ap fè m plezi.

Sa te pran m yon ti tan pou m wè jan anpil fi (nan plizyè kilti diferan) bay cheve long tout enpòtans sa a. Koupe cheve m, vin fè m konprann pi byen, lakay nou pa bò isit gen long cheve vle di, ou se simbi nan dlo, tèlman w bèl. E gen cheve kout souvan vle di, baka anba dlo osnon malerèz elatriye…

E poutan si w wè sa, ti imaj glas la voye ban mwen chak maten an, lè m ap gad ladann nan, demanti sa wi. Vini m pataje ak ou 3 bon avantaj cheve kout gen ladann… Kontinye li

FENK DAMOU!!!

Se pa premye fwa w ap tande m ap di w, jan pifò jèl yo di ki fèt spesyalman pou cheve natirèl sou mache a pa janm ale ak cheve m. Si yo pa plen cheve m ak pay blanch, yo fè cheve m sèk tankou kote idratasyon pa t janm pase.

ow

Mwen te tris paske mwen te wè sa prèske enposib pou m te jwenn yon pwodui ki plizoumwen natirèl ki ka ede cheve m kenbe koutpeny mwen konn pran yo epi ki pap mete cheve m nan eta sa a. Eben, depi lè m rankontre ak pwodui sa a yo rele “Flaxseed” la (pwononse l flaksid), se lajwa sèlman ki nan kè m, ni nan bèl ti cheve m yo.

Li pa vann chè ditou, li 100% natirèl, li gen anpil byenfè pou cheve w epi li fasil pou prepare. Ou menm ki renmen fè 2 dwèt, 3 dwèt osnon ou menm ki gen ti afwo menm jan ak mwen, yon ti kal jèl flaxseed ka kenbe yon koutpeny pou plis pase 2 jou.

Vini w al dekouvri tout byenfè pwodui sa a, ansanm ak mwen… Kontinye li

OU FENK FE YON GOL!!!

Sa prèske gen yon mwa depi m ap fè yon bèl ti eksperyans ak tèt mwen. Mwen deside pa makiye, prèske pa mete bijou, m pa mete kitèks e jan w konnen l deja, tèt mwen prèske pa gen cheve ladann (0.5cm), kidonk m pa menm gen cheve pou m penyen. Men chak jou, mwen asire m, mwen fè 45 minit spò. Mwen efòse m pou m manje anpil fwi ak legim epi mwen bwè anpil dlo.

belneges

Sa etone m pou m wè, jan anpil moun kontinye ap di m jan mwen bèl. Mwen sezi, paske avan sa mwen te kwè si cheve m kout fòk mwen gen anpil akseswa sou mwen pou m santi m bèl. M pa gen pwoblèm ak akseswa yo non, ni ak cheve kout la. Men m potko janm pwouve tèt mwen kalite lanmou sa a.

Mwen vin konprann, renmen tèt ou a pa sèlman nan pran swen cheve w, ni fè bèl makiyaj. Men se nan pran swen tout sa w genyen, tout pati nan kò w e menm san okenn makiyaj, ou ka rive santi w seksi, bèl e an sante nan je pa w.

Wi, w ap bezwen anpil kouraj pou sa. Men kèk teknik ki kapab ede w… Kontinye li

BEL KOUTPENY!!!

Mezanmi!!!

Se pa ti bèl nou te bèl, jou konferans lan. Se te tout yon plezi pou nou te wè, jan chak grenn bèlnègès te inik nan fason yo penyen, jan yo makiye, stil yo fè ak mayo bèlnègès la ak tout lòt akseswa yo te mete yo.

unnamed (6)

Pierre Michel Jean, Pierre Moise ak Georges Harry Rouzier, fotograf ofisyèl Bèlnègès yo te vini ak bèl lide sa a, pou fè foto jan nou te penyen nan konferans lan. Nou twouve se yon ide ekstraòdinè pou nou ta pataje bèl ti koutpeny nou te pran yo, youn ak lòt. Se vre cheve nou tout pa menm ni menm longè, men nou rete sèten sa ka enspire w yon bèl ti koutpeny nan jou, ou pa ta twò sou penyen yo.

Vini w al gade avè m bèl kwafi ki te genyen nan konferans lan. Ou pa janm konnen, youn ka enspire w… Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook