Amelyore Lavi w

SA PA POU OU…

Jis kounya a, m pa janm rive konprann bagay sa a. M se yon  fi se vre. Men m pa janm konen poukisa nou menm fi toujou gen sa nan jan nou viv. Nou toujou ap veye si lòt la gen yon nouvo valiz, yon nouvo rad, oubyen yon nouvo mennaj. Sa k pi rèd la se pa konnen an non. Nou pale sou sa tou. Pafwa, se pa bagay ki mechan non nou fè. Men li difisil pou nou retire defo sa a nan nou.

pou ou

Woy ! Pa di m se manti m ap fè non. Lè m te pi piti, (nan peryòd adolesans), m te konn fè sa tou. Dayè, m te nan anviwonnman ki ankouraje sa. M leve ak fi. M te nan lekòl kote ki te gen fi sèlman. Kidonk se bagay ki pase devan je m chak jou. Se bagay m konprann byen.

Kòman nou ka rive amelyore relasyon nou youn gen ak lòt sou pwen sa a? Kite m fè w 2 pwopozisyon… Kontinye li

OU SEL!

Anpil fwa, se sosyete a ki deside pou nou. Depi lè nou leve tou piti, yo tou trase yon wout pou nou. Yo di nou men sa nou dwe fè, men sa nou pa dwe fè. Dayè, yo tou ba nou bagay pou fè nou kwè sa yo vle a. Bagay ki pou fè nou rete nan wout pa yo a. Kidonk yon wout ki pa gen anyen pou wè ak wout nou menm nou ta vle fè a. Nou ka wè sa nan jwèt yo ba nou. Nan jan yo leve nou. Nan pawòl yo di nou chak jou.

bn3

Nou kwè vre nan wout sa yo. Paske anpil fwa, se sa yo mande pou n fè a nou fè. Se nan wout yo mete nou an nou rete. San nou pa chache konen kijan nou ka fè wout pa nou. San nou pa chache soti nan sa k pa ale ak moun nou ye a. Epi konsa, yon bann pawòl vinn kwit nan tèt nou. Eske w konn mande tèt ou poukisa se chwa sa ou fè, se pa yon lòt? Eske w konn kijan sosyete a mete diferans nan rapò w ap gen ak lòt moun?

Jodi a, m vle pataje wout mwen pran an ak ou… Kontinye li

ANKOURAJE!

M renmen tande, lè gen chanpyona foutbòl, epi ou wè abit la ki sou teren an,  k ap di jwè yo konsa: “Ankouraje” Ankouraje”. Chak fwa mwen tande sa, sa toujou enspire m. Paske sa pwouve m, lè w gen yon moun k ap veye pou ou, k ap rele aprè w, sa ka ede w anpil. Se sèten, sa fè anpil byen pou w gen yon moun ki dèyè w ki pou kore w.

photo 2

E sizanka, ou pa ta gen yon moun konsa? Si w pa ta gen abit, ki la pou rele dèyè w pou reyalize rèv ou yo, èske sa ta vle di pou kanpe nan wout? Mwen m pa kwè sa. E mwen menm ka temwanye (ou mèt di amèn :). Lavi m se yon ekzanp ki kontinye chak jou pwouve m, menm si m pa gen moun k ap bat bravo pou mwen, fòk mwen kontinye vanse pou m kreye lavi mwen vle a. Si w mande m èske sa fasil? M ap di w non. Sa trè difisil, lè w pa gen moun k ap bat men pou ou; Men an bon bèl nègès, depi w vle, menm san bravo pa gen anyen k ap ka kanpe w.

Si w ta nan menm ekip ak mwen. Ekip, ki souvan pa gen moun k ap di yo ankouraje men ki tèlman vle avanse a; ekip ki vle pase chanpyona sa a, menm si pi devan, yon lòt match gentan ap tann li. Ann monte teren an ansanm… Kontinye li

SE PA SA W BEZWEN!

M pa konn pou ou. Men mwen, m pa renmen konpetisyon. Talè ! M pap pale de konpetisyon ki ka ede moun vanse non. Tankou : konkou jeni, jwèt entèlektyèl, konkou sou spò, liv elatriye. M ap pale pito sou yon lide konpetisyon ki devlope anpil nan antouraj mwen. Yon konpetisyon sou bagay ki souvan pa itil anyen. Konpetisyon ki vle fè kwè m pi bon, lòt la pa bon. Se de jan konpetisyon sa yo, m vle pale.

belneges-10

Petèt li ka menm jan kote w ap evolye a tou. Petèt li ka pa konsa tou. Men w ka konn sou kisa m ap pale a byen. Paske se pa yon bagay ki fèt an kachèt. Se sa k fè depi tou piti, m pa t janm twò entèrese gen baz zanmi lè m te lekòl. Paske te plen ti gwoup. Chak ti gwoup sa yo t ap eseye pase pou pi bon. Yo t ap kontwole kiyès ki pi bèl. Kiyès ki gen pi bèl cheve. Kiyès ki gen pi bèl bwat osnon valiz. Konsa, ou menm ki nan ti gwoup la pèdi sa w ye. Ou sèlman tounen yon eleman nan menm gwoup la. Epi ou tounen yon jij k ap gade lòt la pou kritike l sèlman.

Ou kwè ou ta dwe rantre nan lojik sa a ?… Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook