Amelyore Lavi w

Ba l chans li!

Pa gen anyen ki di moun ou ye jodi a se sa w ye andann w vre. Mèwi. Ou sezi ? Ou ka pa dakò wi. Men sa pa fè anyen paske ou ka ban mwen rezon pi devan. Anpil fwa nou tèlman swiv tout sa yo ba nou, yo aprann nou, yomontre nou san nou pa kesyone yo, nou pa janm gen chans dekouvri tèt nou toutbon. Tout sa nou fè, nou fè l pou manman n, pou papa n, pou pwofesè n, pou zanmi n, pou vwazen an, ak pou sosyete a elatriye…

ana1

Depi tou piti, nou leve nou jwenn yon seri prensip ki di men kijan lavi a ye osinon men kijan lavi nou dwe ye. Yon seri wout tou dwat ki di men kijan pou n viv, men kijan n dwe wè kèk bagay, men sa ki bon ak sa ki pa bon. Yon sistèm ki pa ta gen pwoblèm non, si l te ba nou kote pou nou defini sa nou ye. Men sa ki pase, nan yon sistèm kote tout bagay gentan tou fèt, moun nou ye tout bon an gen anpil chans pou l pa janm parèt. Menm jan an tou, gen nan nou ki moun nou ye a paske nou nan yon gwoup, paske nou te rankontre yon kategori moun byen espesifik. Oubyen tou, gen nan nou ki ap chache tounen yon moun nou pa ye toutbon jis pou nou fè moun nan antouraj nou plezi. Eske w konnen konpòtman sa a, se youn nan konpòtman ki siman pral fè w fè bak sou wout pou konn ki moun ou ye a?

Ou vle konn poukisa, pa vre?… Kontinye li

Ak kiyès w ap mache?

Dènyeman an, m chita, m ap poze tèt mwen anpil kesyon. M ap mande m, poukisa depi tou piti pa ekzanp manman nou se ak tifi li plis vle nou jwe. Lè nou kòmanse gen lespri, anpil nan nou fè baz fi ansanm nan lekòl nou. Menm sou katye bò lakay nou pi souvan, se ak tifi parèy nou, nou toujou ap pale, al nan dlo, al nan mache, mennen tout lòt aktivite nou ansanm. Men, kou nou kòmanse gran, nou vin jèn fi, bagay la chanje?

yay

Nan reflechi konsa, mwen al fè yon ti rechèch sou sa, e mwen vin wè se lespri konpetisyon yo mete nan tèt nou an, ki anvayi sosyete n ap viv ladann nan, ki plis priyorize bezwen ak konfò gason yo (sosyete machis), ki youn nan prensipal koz divizyon sa a. Sa k pase a se, depi nou kòmanse demwazèl, bèl dinamik sa a ke nou te konn genyen lè nou te pi piti a,vin kraze; paske nou youn ap chèche pi bon  ke lòt olye pou nou bon ansanm. Se vre kounya a, w ap wè gen an pakèt fi k ap fè efò pou youn soutni lòt, pou youn travay ak lòt elatriye… Men an menm tan tou, nan lavi detoulèjou, rive zanmi, travay, gen sipò san konpetisyon, pataje rèv ak yon lòt fi parèy nou, poko ka reyalite anpil jèn fi, nan plizyè relasyon mwen obsève.

Sa k fè sa daprè ou? Repons lan senp. Kite m pataje l ak ou… Kontinye li

Pa janm limite tèt ou!

Anpil fwa, nou bay tèt nou objektif. Kiyès nan nou ki pa janm di pa egzanp : m vle gen yon metriz, yon pitit osnon yon lòt bagay kèlkonk ? Men sa k konn rive nan objektif sa yo, gen kèk fwa tou, nou tou di men ki kote n ap rive, men ki kote nou p ap ka rive. Sa tou ranmase lavi nou, mete l nan yon ti panye. Sa k di a, kèk nan nou pa janm rive soti ladan. Kite m rakonte w yon ti eksperyans m viv sa poko gen 2 mwa. Konsa, w ap konprann kijan sa enpòtan pou w pa janm bay tèt ou limit.

mandal

Mwen te gen yon travay pou m fè. Se te yon bagay m ta pral fè pou premye fwa. E li pa t fasil ditou. Paske m te gen pou m li plis pase 200 tèks nan lang anglè. M pa kache di w, sa te strese m anpil. Pou plizyè rezon. Tèks yo te anpil. M te plen lòt bagay pou m jere. Epi m te doute yon ti kras sou nivo anglè m. Men sa m pi sonje, se di m t ap di tèt mwen : pou di w ap kapab ?

Nan moman konsa dout ak konfizyon, ou se premye moun pou w konte sou li… Kontinye li

SWA W SA, SWA W PA SA!

Sa fè kèk jou, mwen ak manman m pa wè. Kòm mwen te gen randevou ak Vévé pou m mete très. M tou pwofite pran randevou ak li kay manman m nan pou nou fè sa. Konsa, m ap ka pase plis tan ak li. M chita sou yon ti chèz nan chanm li an. Vévé ap trese cheve m ak alonj. Papa m fè sa, li rantre, li wè mayi moulen an sou tab la. Li di “m pap manje mayi non mwen menm”.

BN1

Manman m fè sa, li kanpe, men gwosè vwa l, li di: “Sa se nan ou menm wi (yon fason pou l di, sa pa regade l). Depi w sou gaz ou tout moun konnen”. Sa w tande a, yo tou lè 2, pran babye ansanm. Papa m soti. Manman m fè sa li rechita. Li di m: “Tizo, (se konsa manman m rele m lè l pa gen pwoblèm ak mwen), m gen plizyè semèn depi m ap poze tèt mwen kesyon sa a”. M di l kisa? Li reponn mwen: “M ta renmen konn lanmou! A 57 tan daj, m pa ta renmen mouri san m pa konn sa k rele lanmou”.

Kè m fann. San m tresayi. M poko ka jwenn mo pou m reponn. Dlo anvi sot nan je m. Pawòl la sakaje m. 10 pitit ak yon gason (4 mouri), plis pase 35 lane ansanm, tribilasyon, mizè, dòmi leve manje ansanm. M di nan kè m, lanmou sa a manman m di m nan depase lanmou ant fanm ak gason. M poko ka jwenn mo toujou. Epi mwen respire, mwen di l… Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook