BELNEGES

MEN LIMYE!

Nenpòt pwoblèm, gwo kou piti, ka mete lavi n tèt anba. Chak moun gen yon jan yo jere pwoblèm yo. Gen sa ki fè tout dilijans pou yo rezoud li, gen sa ki bal vag kòmkwa yo pa bay pwoblèm nan regle anyen pou yo, gen sa ki kite pwoblèm nan pote yo ale nèt tankou lavi yo tou fini. Eskize m wi, men jodi a se ak dènye gwoup moun nan m plis anvi pale. “M vin di yo pa kriye, pa gen rezon pou sa. M vin di yo tout bagay ka mache byen, tout bagay pral mache byen”.

bob

Se pa yon mizik ke m ap fè w dekouvri non, ou tande l deja. Wi, ou tande l anpil kidonk se pa mwen ki pral di w men kisa pawòl yo di. M jis anvi sa k rive m nan mizik sa a, rive w tou, m retande l, m pran yon pati ladan epi m rele pati a « Koze pa m » paske m di tèt mwen pati sa se pou mwen espesyal atis la ekri l.

Se mizik Bob Marley a, sa k rele « No woman no cry » la. Ou wè, ou abitye tande l men èske w janm fè yon ti rete sou pawòl ki nan refren an? Vini n al fè sa ansanm… Kontinye li

WI, JODI A!

Pandan mwa desanm nan, mwen resevwa yon liv. Menm si tit la pat di m anyen, mwen te deside li’l tou senpleman paske mwen se yon moun ki renmen lekti anpil.

li

Depi sou dezyèm paj liv la, mwen te deja pèdi ladann. Se kòmsi mwen te rantre nan yon lòt mond, kòmsi liv la te transpòte mwen nan yon lòt nivo. 4è dtan te sifi, mwen te gentan fin li l nèt ,e mwen te deja kòmanse santi mwen yon lòt jan. Kwè mwen si w vle, nan menm semèn nan mwen te arive reli liv la twa fwa e a chak fwa, mwen te dekouvri yon nouvo bagay.

Eksperyans sa a te fè m reflechi anpil. Sa te fè m kòmanse analize kèk atitid mwen konn genyen nan lavi-a ki pa fòseman ede’m grandi emosyonèlman. Li te pèmèt mwen mete limyè sou kèk pwen nwa ki fè anpil fwa, mwen konn santi se tankou ma p fè bak. Li te pèmèt mwen wè ke gen chanjman mwen ta dwe eseye fè, pito mwen ta dwe fe, pou mwen santi mwen pi bèl (an dedan).

 Men kèk nan refleksyon mwen ta renmen pataje avek ou ; e petèt sa ka fè w reflechi tou sou kòman w ka vin pi bèl anndan… Kontinye li

CHALE PA LADANN!

Nan moman an, se cheve natirèl k’ap taye banda. M’ap sonje nan ane pase yo, zòn 2007-2008 yo, jwenn yon fi ak cheve natirèl te difisil. Men kounya anpil nan nou, sinon nou tout, sou chemen pou n vin nan natirèl si nou pa gen cheve natirèl deja. Nou tout konn kisa pou nou fè ak sa pou nou pa fè sou cheve nou. Nou tout konn kijan pou nou pran swen cheve sa yo ki se idantite nou. Plis n’ap abitye avèk yo, plis n’ap konn kijan pou nou pran swen yo. Plis n’ap renmen yo.

chevewow

Men bèl avanti sa a pa fasil. Paske yo mande tout lanmou ak tout atansyon nou. Pafwa nou bezwen detire cheve yo, ba yo yon lòt figi pou ti kout peny nou yo ka pi byen chita. Anpil nan nou ka konn itilize aparèy elektwonik tankou sechwa, bebilis elatriye pou nou fè sa. Men si nou fè anpil rechèch, n’ap konnen chalè pa bon pou ti cheve natirèl nou. Paske l’ap fè yo sèk. Epi y’ap kase.

Ki mwayen nou ka itilize pou nou detire cheve nou san yo pa kase? Men yon ti astis byen fasil… Kontinye li

MEN AKOUSTIK FANM KREYOL!

Nou pa t gen mo pou nou eksprime kontantman nou te wè sou figi w nan spektak Gade Solèy la. Anpil lajwa, anpil bravo, anpil felisitasyon, se konsa anpil nan bèlnègès ki te patisipe nan aktivite sa a te reyaji, lè 4 nan medam gwoup AFK yo te monte podyòm ki nan Point-Bar la pou pèfòme.

afk2

Pandan spektak sa a, yo te chante 4 mizik, 3ladan yo se mizik tradisyonèl ak  entèpretasyon mizik Bèl Tifi a, Talie chante. Medam Akoustik Fanm Kreyòl yo chaje talan, yo gen bèl vwa e plizyè ladan yo jwe enstriman.

Pasyon yo gen pou mizik se yon bagay ki pa gen pri. Nou te chita ak youn nan manadjè gwoup la ki rele Sephora Pierre-Louis. Kite l pale nou de pwojè ak rèv medam yo nan gwoup la…  Kontinye li

Swiv zanmi’w Bèlnègès
Tumblr Logo
Fotochout/Konsepsyon BELNEGES
Belneges sou Youtube
Facebook